Azərbaycan Auditorlar Palatası audit sistemində innovasiyaların tətbiqi ilə bağlı İnnovasiya Konsepsiyası hazırlayır. Auditorlar Palatasının sədri Vahid Novruzov "Audit xidməti haqqında Qanun"un 25 illik yubileyi ilə əlaqədar keçirilən tədbirdə bildirib ki, hazırda bu istiqamətdə iş görülür: "İlin sonunda konsepsiya başa çatdırılacaq və o, audit xidmətini daha da təkmilləşdirəcək. Hazırda bu istiqamətdə xarici təcrübə öyrənilir".

V.Novruzov qeyd edib ki, Azərbaycan Auditorlar Palatası "Kölgə iqtisadiyyatına qarşı mübarizə: iqtisadi inkişafın mühüm amili kimi" adlı yol xəritəsini də başa çatdırmaq üzrədir: "Burada "kölgə iqtisadiyyatı"nın azaldılması, mövcud problemlər və onların həlli yolları, eləcə də digər məsələlər öz əksini tapacaq".