Yanvar-sentyabr aylarında keçirilmiş elektron satınalmaların ümumi məbləği 3,2 milyard manat təşkil edib
2026-cı ilin yanvar-sentyabr ayları ərzində keçirilmiş 6372 elektron satınalmanın ümumi məbləği 3,2 milyard manat təşkil edib. Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin məlumatına görə, ötən illə müqayisədə elektron satınalmaların həcmi məbləğ üzrə 0,1% artıb.
Bəhs edilən dövrdə açılışı baş tutmuş müsabiqələr üzrə orta iştirakçı sayı 3,5 olub. Elektron satınalmalarda ən aşağı qiymət təklifinin payı 3 faiz bəndi artaraq 71,9% təşkil edib.
Satınalma proseslərində iştirakçı sayının artması təchizatçılar arasında rəqabətin güclənməsinə, daha əlverişli təkliflərin formalaşmasına və dövlət vəsaitlərindən istifadənin səmərəliliyinin artırılmasına şərait yaradır.
