22 Noyabr 2026
SOSİAL-İQTİSADİ ONLAYN QƏZET
Qlobal İnnovasiya İndeksi üzrə Əlaqələndirmə qrupunun növbəti iclası keçirilib

Qlobal İnnovasiya İndeksi üzrə Əlaqələndirmə qrupunun növbəti iclası keçirilib

Biznes Mühiti və Beynəlxalq Reytinqlər üzrə Komissiyanın Qlobal İnnovasiya İndeksi üzrə Əlaqələndirmə qrupunun növbəti onlayn iclası keçirilib. İclasda dövlət qurumlarının və Komissiyanın aidiyyəti işçi qruplarının nümayəndələri iştirak ediblər.

Əlaqələndirmə qrupunun rəhbəri, iqtisadiyyat nazirinin birinci müavini Elnur Əliyev ölkəmizdə biznes mühitinin təkmilləşdirilməsi, innovasiya infrastrukturunun inkişafı, institusional mühitin yaxşılaşdırılması və digər istiqamətlərdə görülən işlərin Azərbaycanın Qlobal İnnovasiya İndeksi üzrə mövqeyinin yaxşılaşmasına töhfə verdiyini bildirib. Eyni zamanda, Əlaqələndirmə qrupu tərəfindən qəbul edilmiş qərarların icrasının və aidiyyəti qurumlar arasında səmərəli əlaqələndirmənin də mühüm rol oynadığı qeyd edilib.

Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun müdiri, Komissiyanın Katibliyinin rəhbəri Vüsal Şıxəliyev əldə olunan nəticələrin daha da yaxşılaşdırılması baxımından beynəlxalq sorğuların vaxtında və müəyyən edilmiş tələblərə uyğun cavablandırılmasının əhəmiyyətini qeyd edib.

İclasda hesabatın nəticələri, həmçinin növbəti mərhələdə həyata keçirilməsi nəzərdə tutulan tədbirlər müzakirə olunub. Ölkənin indeks üzrə mövqeyinin daha da yaxşılaşdırılması məqsədilə müvafiq tədbirlərin işçi qruplarının 2027-ci il üzrə fəaliyyət planlarına daxil edilməsi ilə bağlı fikir mübadiləsi aparılıb.

Qeyd edək ki, Qlobal İnnovasiya İndeksi Ümumdünya Əqli Mülkiyyət Təşkilatı tərəfindən hər il dərc olunan və dünya iqtisadiyyatlarının innovasiya potensialını və nəticələrini qiymətləndirən nüfuzlu beynəlxalq reytinqdir. İndeks innovasiya resursları (institutlar, insan kapitalı və tədqiqat, infrastruktur, bazarın və biznesin inkişaf səviyyəsi) və innovasiya nəticələri (elmi-texnoloji və yaradıcı məhsullar) sub-indekslərini təşkil edən 7 blok üzrə qiymətləndirmə aparır. İndeksin 29 sentyabr 2026-cı il tarixində dərc olunmuş 19-cu nəşrində 139 iqtisadiyyat qiymətləndirilib.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?