22 Noyabr 2026
SOSİAL-İQTİSADİ ONLAYN QƏZET
Nişdə kombinəedilmiş buxar-qaz elektrik stansiyasının inşası layihəsinə dair Səhmdar Sazişi imzalanıb

Nişdə kombinəedilmiş buxar-qaz elektrik stansiyasının inşası layihəsinə dair Səhmdar Sazişi imzalanıb

Belqradda SOCAR, Serbiyanın dövlət enerji müəssisəsi "Serbiya Elektrosənayesi" (EPS) və "Srbijagas" şirkəti arasında Niş şəhərində kombinəedilmiş buxar-qaz elektrik stansiyasının inşası layihəsinə dair Səhmdar Sazişi imzalanıb.

Sənədi SOCAR prezidentinin müşaviri, “SOCAR Türkiye”nin baş direktoru Elçin İbadov, EPS-in baş direktoru Duşan Jivkoviç və “Srbijagas”ın baş direktoru Duşan Bayatoviç imzalayıblar.

500 MVt gücündə stansiyanın inşasını və birgə müəssisənin təsis edilməsini nəzərdə tutan sənədə əsasən, birgə müəssisədə Serbiya iştirakçılarının payı 50 faiz, Azərbaycan tərəfinin payı isə 50 faiz təşkil edəcək. Sənəd tərəflərin hüquq və öhdəliklərini, birgə idarəetmə prinsiplərini, hazırlıq mərhələsində əsas qərarların yekdilliklə qəbul edilməsi qaydasını, həmçinin layihə işlərinin maliyyələşdirilməsi şərtlərini təsbit edir.

Serbiyanın dağ-mədən sənayesi və energetika naziri Dubravka Cedoviç-Handanoviç, SOCAR prezidentinin müşaviri Elçin İbadov, EPS-in baş direktoru Duşan Jivkoviç, “Srbijagas”ın baş direktoru Duşan Bayatoviç çıxış ediblər.

Çıxışlarda bu cür layihələrin Prezident İlham Əliyevin və Prezident Aleksandar Vuçiçin siyasi iradəsi nəticəsində ölkələrimiz arasında formalaşmış strateji tərəfdaşlıq əlaqələrinə əsaslandığı qeyd olunub.

Layihənin Serbiyanın enerji təhlükəsizliyinin möhkəmləndirilməsinə, elektrik enerjisi sisteminin sabitləşdirilməsinə töhfə verəcəyi bildirilib.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?