Azərbaycan və Şimali Makedoniya arasında iqtisadi əməkdaşlığın genişləndirilməsi müzakirə edilib YENİLƏNİB

İkinci Azərbaycan Beynəlxalq İnvestisiya Forumu çərçivəsində iqtisadiyyat naziri Mikayıl Cabbarov Şimali Makedoniyanın iqtisadiyyat və əmək naziri Besar Durmişi ilə görüşüb.

Görüşdə Azərbaycan və Şimali Makedoniya arasında iqtisadi əməkdaşlığın mövcud vəziyyəti və inkişaf perspektivləri nəzərdən keçirilib. Ticarət və investisiya əlaqələrinin genişləndirilməsi, enerji sahəsində birgə fəaliyyətin intensivləşdirilməsinin əhəmiyyəti vurğulanıb.

Tərəflər iqtisadi gündəlikdə olan tərəfdaşlıq məsələləri, prioritet layihələrin reallaşdırılması və ölkələrin biznes dairələri arasında əlaqələrin genişləndirilməsi imkanları barədə fikir mübadiləsi aparıblar.

Görüşdə qarşılıqlı maraq doğuran istiqamətlər üzrə əməkdaşlığın daha da inkişaf etdirilməsi və yeni tərəfdaşlıq imkanlarının formalaşdırılması ilə bağlı məsələlər müzakirə olunub.

-----

17:42

“İkinci Azərbaycan Beynəlxalq İnvestisiya Forumu çərçivəsində Şimali Makedoniyanın iqtisadiyyat və əmək naziri Besar Durmişi ilə görüşdük. Ticarət, investisiya, enerji və digər sahələrdə birgə fəaliyyətin intensivləşdirilməsinin əhəmiyyətini vurğuladıq. İqtisadi gündəlikdə olan tərəfdaşlıq məsələlərini, prioritet layihələrin reallaşdırılması və ölkələrimizin biznes dairələri arasında əlaqələrin genişləndirilməsi imkanlarını müzakirə etdik”.

Bu barədə iqtisadiyyat naziri Mikayıl Cabbarov sosial media hesablarında paylaşım edib.