Bu ilin yanvar-mart aylarında elektron satınalmalar nəticəsində dövlət büdcəsinə qənaət edilən məbləğ 2025-ci ilin müvafiq dövrü ilə müqayisədə 63,8 faiz artaraq 114,5 milyon manat təşkil edib.

Antiinhisar və İstehlak Bazarına Nəzarət Dövlət Agentliyinin məlumatına görə, hesabat dövründə qənaət edilən məbləğin ehtimal olunan qiymətdə xüsusi çəkisi 16,7 faiz olub ki, bu da ötən ilin ilk rübünün göstəricisinə nisbətdə 4,9 faiz bəndi çoxdur.

Dövlət satınalmalarında qənaət məbləği maliyyə resurslarının düzgün planlaşdırılması ilə dövlət xərclərinin məqsədyönlü istifadəsinin göstəricilərindən biridir.