İqtisadiyyat naziri Mikayıl Cabbarov Harvard Universitetinn “Growth Lab” mərkəzinin təsisçisi və direktoru, professor Rikardo Hausman ilə görüşüb.

Görüş zamanı ölkəmizin iqtisadi diversifikasiya prioritetləri, qeyri-neft sektorunun inkişafı və davamlı iqtisadi artımın dəstəklənməsinə yönələn təşəbbüslər barədə məlumat verilib. “Growth Lab” ilə əməkdaşlığın genişləndirilməsinin iqtisadi islahatların elmi əsaslarla dəstəklənməsi baxımından əhəmiyyəti vurğulanıb.

Müzakirələr çərçivəsində Azərbaycan Hökuməti ilə “Growth Lab” tədqiqat mərkəzi arasında həyata keçirilmiş üçillik əməkdaşlığın yekunları, bu müddətdə görülmüş işlər və əldə olunmuş nəticələr nəzərdən keçirilib.

Eyni zamanda, “Growth Lab” tərəfindən təqdim olunmuş tövsiyələrin icrası və potensial tərəfdaşlıq imkanları üzrə növbəti addımlar müzakirə olunub.

-----

11:58

“Harvard Universitetinin "Growth Lab" mərkəzinin təsisçisi və direktoru professor Rikardo Hausman ilə görüşümüzdə Azərbaycan Hökuməti və Harvard Universitetinin "Growth Lab" tədqiqat mərkəzi arasında üçillik tədqiqat əməkdaşlığının yekunlarını və görülmüş işləri nəzərdən keçirdik.

"Growth Lab" tədqiqat mərkəzinin tövsiyələrinin icrasını və potensial tərəfdaşlıq istiqamətləri üzrə növbəti addımları müzakirə etdik”.

Bu barədə iqtisadiyyat naziri Mikayıl Cabbarov sosial şəbəkə hesablarında paylaşım edib.