Əhəng daşı və gips istehsalında artım qeydə alınıb
Bu ilin birinci rübündə Azərbaycanda inşaat üçün əhəng daşı istehsalı ötən ilin müvafiq dövrü ilə müqayisədə 61,3 faiz artıb.
Dövlət Statistika Komitəsinin hesabatına əsasən, bu müddətdə ölkədə 127,3 min ton əhəng daşı istehsalı edilib.
Ölkədə gips və anhidrit istehsalı da artıb. Cari ilin ilk 3 ayında Azərbaycanda 178,1 min ton gips və anhidrit istehsal edilib ki, bu da ötən ilin müvafiq dövrünə nisbətdə 53,4 faiz çoxdur.
