Bu ilin yanvar-fevral aylarında Şimal-Şərqi Asiya ölkələrindən (Çin, Yaponiya, Cənubi Koreya və Monqolustan) Azərbaycana 7,6 mindən çox xarici vətəndaş səfər edib ki, bu da 2025-ci ilin müvafiq dövrü ilə müqayisədə 22,1 faiz çoxdur.

Dövlət Turizm Agentliyinin hesabatına əsasən, təkcə cari ilin fevral ayında qeyd edilən regiondan gələnlərin sayı 4,6 min nəfərdən çox təşkil edib. Bu, 2025-ci ilin fevral ayına nisbətdə 39 faiz, cari ilin yanvar ayına nisbətdə isə 49,1 faiz çoxdur.