2026-cı ilin yanvar-fevral ayları ərzində bazar subyektləri tərəfindən haqsız rəqabətə yol verilməsi ilə əlaqədar Antiinhisar və İstehlak Bazarına Nəzarət Dövlət Agentliyinə daxil olan müraciətlərin sayında ötən ilin eyni dövrü ilə müqayisədə 51 faiz artım müşahidə olunub.

Agentliyin məlumatına görə, bu dinamika cəmiyyətdə rəqabət qanunvericiliyinə dair məlumatlılığın artdığının, sahibkarın öz hüquqlarının müdafiəsində daha fəal mövqe nümayiş etdirdiyinin göstəricisi hesab oluna bilər.