Bu ilin yanvar-fevral aylarında Azərbaycandan Portuqaliyaya 112,3 milyon ABŞ dolları dəyərində 223,5 min tondan çox xam neft və neft məhsulları ixrac olunub.

Dövlət Gömrük Komitəsinin hesabatına əsasən, bu, 2025-ci ilin müvafiq dövrünün göstəricilərini dəyər ifadəsində 3 faiz, həcm baxımından isə 3,5 faiz üstələyir.

Ümumilikdə cari ilin ilk iki ayında ölkədən 1,704 milyard dollar dəyərində 3,6 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Portuqaliya 3-cü yerdə qərarlaşıb və ixrac həcminin 6,2 faizi bu ölkənin payına düşüb.