Bakı Şəhər Statistika İdarəsi növbəti hesabatında yeddi ay ərzində Bakı şəhərində əhaliyə göstərilən ödənişli xidmətlər haqda statistik məlumatlar əksini tapıb. Hesabatda qeyd olunur ki, bu ilin yanvar-iyul aylarında paytaxtda əhaliyə göstərilən ödənişli xidmətlərin dəyəri 2018-ci ilin eyni dövrü ilə müqayisədə real ifadədə 1,7 faiz artaraq 2.930,6 milyon manat təşkil edib. Bu dövrdə hüquqi şəxslər tərəfindən əhaliyə 2.319,9 milyon manatlıq xidmət göstərilib ki, bu da xidmətlərin ümumi dəyərinin 79,2 faizini təşkil edib.