Dövlət Turizm Agentliyinin sədri Fuad Nağıyevin Meksikanın Azərbaycandakı səfiri Mariya Viktoriya Romero Kabalyero ilə görüşündə turizm üzrə ikitərəfli əlaqələrin perspektivləri müzakirə edilib.

Agentliyin məlumatına görə, görüşdə səfir Azərbaycan turizm sənayesini təmsil edən heyət üçün Meksikaya tanışlıq səfərinin təşkil olunacağı barədə məlumat verib və Dövlət Turizm Agentliyinin sədrini 27-30 aprel tarixlərində Akapulko şəhərində keçiriləcək Latın Amerikası regionunun ən böyük və nüfuzlu sərgilərindən biri olan “Tianguis Turistico Mexico 2026” sərgisində iştirak etməyə dəvət edib.