Bu ilin yanvar-noyabr aylarında Azərbaycanın qeyri-neft məhsullarının ixracının dəyəri 3,3 milyard ABŞ dollarını ötüb.

İxracın və İnvestisiyaların Təşviqi Agentliyinin (AZPROMO) məlumatına görə, 2025-ci ilin ilk 11 ayında Azərbaycanın qeyri-neft ixracı 3 317 milyon dollar təşkil edib. Bu, ötən ilin analoji dövrü ilə müqayisədə 7,3 faiz çoxdur.

Cari ilin noyabr ayında qeyri-neft məhsullarının ixracının dəyəri 329,2 milyon dollar olub. Bu göstərici illik ifadədə 16,3 faiz artıb.