Avropa Yenidənqurma və İnkişaf Bankı (AYİB) Azərbaycanın yaşıl iqtisadiyyat proqramı (Green Economy Financing Facility - GEFF) üçün 100 milyon dollarlıq maliyyələşdirməni təsdiqləyib.

Bankın məlumatına görə, GEFF seçilmiş yerli maliyyə institutları (PFI) vasitəsilə yaşıl maliyyələşdirməni dəstəkləməyə yönələn beşillik layihədir. Cəlb edilən vəsait enerji səmərəliliyi, bərpaolunan enerji, resurslardan səmərəli istifadə və iqlim dayanıqlığı sahəsində layihələr həyata keçirən özəl şirkətlərin maliyyələşdirilməsinə yönəldiləcək.

Layihə xüsusilə COP29-un Bakıda keçirilməsindən sonra Azərbaycanın yaşıl iqtisadiyyata artan marağına əsaslanır.