Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti müddətli əmək müqaviləsinə xitam verilməsi qaydasına aydınlıq gətirib.

Dövlət Xidmətinin məlumatına görə, müddətli əmək müqaviləsinə müddəti bitdikdə xitam verilir.

Müqavilə müddətinin bitməsinə azı bir həftə qalmış, tərəflərdən heç biri digər tərəfi müddətin başa çatması ilə bağlı yazılı formada (kağız daşıyıcıda və ya elektron informasiya sistemi vasitəsilə) xəbərdar etməzsə, həmin əmək müqaviləsi müddətə uyğun olaraq uzadılır və ya Məcəllənin 45-ci maddəsinin 5-ci hissəsində nəzərdə tutulan hallarda müddətsiz hesab olunur. Yəni müddətli əmək müqaviləsi fasiləsiz olaraq 5 ildən artıq müddətə davam edərsə, müddətsiz əmək müqaviləsi hesab edilir.