Pekində “10-cu Dünya Əşyaların İnterneti Konvensiyası (WIOTC) 2025” və “Ağıllı İnterkonnektiv Rəqəmsal İqtisadiyyatın Davamlı İnkişafı üzrə I Konfrans” keçirilib.

İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) məlumatına görə, müxtəlif ölkələrin dövlət rəsmiləri, beynəlxalq təşkilatlar, iri korporasiyalar və innovasiya ekosisteminin aparıcı nümayəndələrinin iştirak etdiyi tədbirin əsas məqsədi qlobal rəqəmsal və texnoloji transformasiya, ağıllı iqtisadiyyat, süni intellekt, yaşıl sənaye və innovativ texnoloji ekosistemlərin inkişafı sahələrində əməkdaşlığın gücləndirilməsi olub.

4SİM-in Təhlil və monitorinq şöbəsinin rəhbəri Əzizə Vidadi Azərbaycanın rəqəmsal iqtisadiyyat və sənaye 4.0 transformasiyası üzrə yanaşmaları barədə məlumat verib.