Bu ilin yanvar-oktyabr aylarında Yaxın Şərq ölkələrindən Azərbaycana 253,5 mindən çox xarici vətəndaş səfər edib ki, bu da 2024-cü ilin müvafiq dövrü ilə müqayisədə 9,1 faiz çoxdur.

Dövlət Turizm Agentliyinin hesabatına əsasən, təkcə cari ilin oktyabr ayında qeyd edilən regiondan ölkəyə 22,8 mindən çox şəxs səfər edib. Bu, 2024-cü ilin oktyabr ayına nisbətdə 71 faiz çox, cari ilin sentyabr ayına nisbətdə isə 0,6 faiz azdır.

2025-ci ilin oktyabr ayında Yaxın Şərq ölkələrindən Azərbaycana gələn turistlərin sayına görə TOP 10 ölkə:

İsrail – 8566

Səudiyyə Ərəbistanı – 6178

BƏƏ – 3148

Küveyt – 1293

İraq – 870

İordaniya – 716

Oman – 584

Misir – 561

Bəhreyn – 353

Yəmən – 194