İstanbul şəhərində Türkiyə, Azərbaycan, Qazaxıstan, Qırğızıstan və Özbəkistanın ali audit orqanlarının rəhbərlərinin iştirakı ilə Türk Dövlətlərinin Ali Audit Qurumları Birliyi (TÜRKSAI) yaradılıb.

Azərbaycan Hesablama Palatasının məlumatına görə, yeni qurumun Təsis Bəyannaməsi beş ölkənin ali audit orqanlarının rəhbərləri tərəfindən imzalanıb.

TÜRKSAI-nin yaradılması ilə bağlı keçirilən tədbirdə Azərbaycanı Palatanın sədri Vüqar Gülməmmədovun rəhbərlik etdiyi nümayəndə heyəti təmsil edib.

Tədbirin açılışında çıxış edən Türkiyə Hesablama Məhkəməsinin prezidenti Metin Yenər türk dünyasının artan siyasi və iqtisadi nüfuzunun ali audit orqanlarının məsuliyyətini daha da artırdığını, eləcə də ortaq auditlərin əhəmiyyətini vurğulayıb. O, ölkələrin audit orqanları arasında əməkdaşlığın yeni yaradılan Birlik çərçivəsində daha da güclənəcəyinə inamını bildirib.