23 Noyabr 2026
SOSİAL-İQTİSADİ ONLAYN QƏZET
“AzerGold” ilə BCG arasında əməkdaşlığın genişləndirilməsi müzakirə edilib

“AzerGold” ilə BCG arasında əməkdaşlığın genişləndirilməsi müzakirə edilib

“AzerGold” QSC-nin İdarə Heyətinin sədri Zakir İbrahimov “Boston Consulting Group”un (BCG) İdarəedici direktor və Baş partnyoru, eləcə də BCG-nin Avropa, Yaxın Şərq, Cənubi Amerika və Afrika üzrə rəhbəri Matias Tauber ilə görüşüb.

QSC-nin məlumatına görə, İdarə Heyətinin sədri Cəmiyyətin fəaliyyət istiqamətləri, son illərdə əldə olunan əsas nəticələr və qarşıya qoyulan strateji məqsədlər barədə ətraflı məlumat verib. O, “AzerGold” ilə BCG arasında həyata keçirilən birgə layihələrin nəticələrinin, beynəlxalq ekspertlərin iştirakı ilə aparılan təhlil və qiymətləndirmələrin şirkətin fəaliyyətinin səmərəliliyinin artırılmasına əhəmiyyətli töhfə verdiyini vurğulayıb.

İdarə Heyətinin sədri, həmçinin “AzerGold”un əməliyyatlarının yerli qanunvericiliyə və beynəlxalq ekoloji standartlara uyğun şəkildə təşkil edilməsi, müasir texnologiyaların tətbiqi və istehsalatın qlobal bazar çağırışlarına uyğunlaşdırılması istiqamətində görülən tədbirlər barədə danışıb.

Öz növbəsində Matias Tauber Azərbaycanda dağ-mədən sənayesinin neft-qaz sektoruna nisbətən daha yeni istiqamət olmasına baxmayaraq, “AzerGold” QSC-nin qısa müddətdə bu sahədə əldə etdiyi mühüm nailiyyətləri yüksək qiymətləndirib. O, Cəmiyyətin yeni əlvan və qara metal yataqlarının istismarında beynəlxalq standartlar və ekoloji tələblərin tətbiqinə xüsusi önəm verməsini region miqyasında qabaqcıl təcrübə nümunəsi kimi dəyərləndirib.

Görüşdə tərəflər qarşılıqlı əməkdaşlığın genişləndirilməsi, təcrübə mübadiləsinin dərinləşdirilməsi və birgə təşəbbüslərin gələcək inkişaf istiqamətləri barədə fikir mübadiləsi aparıblar.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?