Cari ilin yanvar-sentyabr aylarında Naxçıvan Muxtar Respublikasında 378,39 milyon manatlıq sənaye məhsulu istehsal edilib ki, bu da 2024-cü ilin müvafiq dövrünün göstəricisini 15,9 faiz üstələyir.

Muxtar Respublikanın Dövlət Statistika Komitəsinin hesabatına əsasən, sənaye məhsulunun 310,69 milyon manatı və ya 82,1 faizi malların, 67,69 milyon manatı və ya 17,9 faizi isə xidmətlərin payına düşüb.

Sənaye məhsulunun 0,1 faizi mədənçıxarma, 76,6 faizi emal, 20 faizi elektrik enerjisi, qaz və buxar istehsalı, bölüşdürülməsi və təchizatı, 3,3 faizi isə su təchizatı, tullantıların təmizlənməsi və emalı sektorlarında istehsal olunub.