12 Noyabr 2026
SOSİAL-İQTİSADİ ONLAYN QƏZET
Azərbaycanın tekstil sənayesinin inkişafı və təşviqinə dair fəaliyyət planı imzalanıb

Azərbaycanın tekstil sənayesinin inkişafı və təşviqinə dair fəaliyyət planı imzalanıb

Bakıda Azərbaycan Tekstil Assosiasiyası (ATA), Beynəlxalq Tekstil İstehsalçıları Federasiyası (ITMF), İxracın və İnvestisiyaların Təşviqi Agentliyinin (AZPROMO) birgə təşkilatçılığı ilə “Tekstil sektorunun inkişafı və qlobal inteqrasiyanın təşviqi” adlı seminar keçirilib.

Agentliyin məlumatına görə, seminar çərçivəsində izləniləbilənlik, vergi güzəştləri, sertifikatlaşdırma, qanunvericilik təklifləri və dayanıqlılıq mövzularına dair panel sessiyaları təşkil olunub.

Tədbirin açılış mərasimində çıxış edən ITMF-in baş direktoru Kristian Şindler Azərbaycanın tekstil sənayesinin artıq regional səviyyədə tanındığı və qlobal bazarlarda da təmsil olunmasının vacibliyi, AZPROMO-nun icraçı direktorunun müavini Tural Hacılı ölkəmizin güclü xammal bazası, istehsal imkanları və ixrac potensialının tekstil sektorunun qlobal dəyər zəncirinə inteqrasiyası üçün yeni imkanlar açdığı, “Azərxalça” ASC-nin İdarə Heyətinin sədri Emin Məmmədov xalçaçılıq ənənələrinin qorunması və onların müasir trendlərlə uzlaşması istiqamətində görülən işlər, “GP Cotton Holdings” şirkətinin İdarə Heyətinin sədri Yoxanes Hiri Azərbaycanın coğrafi mövqeyi və investisiya mühitinin sektorda innovasiya və infrastrukturun inkişafına təkan verməsi, ATA-nın icraçı direktoru Fəridə Axundova isə ITMF-in hazırda 40-dan çox ölkənin assosiasiya və aparıcı şirkətlərini bir araya gətirdiyi barədə danışıblar.

Seminar çərçivəsində AZPROMO, ATA və ITMF arasında Azərbaycanın tekstil sənayesinin inkişafı və təşviqinə yönəlmiş üçtərəfli fəaliyyət planı imzalanıb. Bu sənəd Azərbaycanın tekstil sənayesinin beynəlxalq standartlara uyğun inkişafı, dayanıqlılıq və izləniləbilənlik üzrə bilik mübadiləsi, ixrac potensialının artırılması, eləcə də yerli istehsalın rəqabət qabiliyyətinin gücləndirilməsi istiqamətində konkret addımların həyata keçirilməsini nəzərdə tutur. Fəaliyyət planı 2029-cu ildə ITMF-in illik konfransının Azərbaycanda keçirilməsi imkanlarının genişləndirilməsinə yönəlmiş yol xəritəsi rolunu oynayır və bu hədəfə nail olmaq üçün zəruri olan koordinasiyalı tədbirlər planını müəyyənləşdirir.

VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır? VergiTelekommunikasiya avadanlıqlarına xidmət göstərənlər sadələşdirilmiş vergi ödəyicisi ola bilərlərmi?