İlin ilk 5 ayında pərakəndə elektron ticarət dövriyyəsi 100 milyon manata yaxınlaşıb
Bu ilin yanvar-may aylarında ölkə üzrə pərakəndə elektron ticarət dövriyyəsi 98,9 milyon manat təşkil edib.
Dövlət Statistika Komitəsinin hesabatına əsasən, bu, ötən ilin müvafiq dövrünün göstəricisinə nisbətdə 73 faiz çoxdur.
Qeyd edək ki, cari ilin ilk beş ayında qeyri-dövlət sektorunda fəaliyyət göstərən təsərrüfat subyektləri tərəfindən pərakəndə ticarət şəbəkəsində satılan malların dəyəri 2024-cü ilin yanvar-may ayları ilə müqayisədə 3,8 faiz artaraq 23 283,2 milyon manata bərabər olub. Pərakəndə ticarət dövriyyəsinin 0,42 faizi informasiya sistemlərindən (internet, ekstranet və s.) istifadə edilməklə malların alqı-satqısı üzrə həyata keçirilən fəaliyyət sayəsində formalaşıb.
