Azərbaycan və Qazaxıstan maliyyə sektorunda əməkdaşlığı gücləndirir
Azərbaycan Mərkəzi Bankı ilə Qazaxıstanın Maliyyə Bazarının Tənzimlənməsi və İnkişafı Agentliyi arasında Anlaşma Memorandumu imzalanıb.
Bu barədə Mərkəzi Bankın sədri Taleh Kazımov “X” sosial şəbəkəsində paylaşımında məlumat verib.
Memorandum çərçivəsində:
- Maliyyə bazarının vəziyyəti və inkişafı, maliyyə bazarının tənzimlənməsi və nəzarətinin standartları, eləcə də innovativ mexanizmləri üzrə qarşılıqlı səfərlər keçiriləcək;
- Bazar iştirakçılarının fəaliyyətinə nəzarət və monitorinqi mexanizmlərinin təkmilləşdirilməsi, istehlakçıların və investorların hüquqlarının müdafiəsi sahəsində təcrübə və məlumat mübadilələri genişləndiriləcək;
- Təcrübə mübadilələri, təlim və seminarlar, birgə tədqiqat və bilik mübadilələrinin təşkili diqqətdə saxlanılacaq.
