Azərbaycan Mərkəzi Bankının (AMB) İdarə Heyəti tərəfindən ötən il təsdiqlənən “2024-2026-cı illərdə maliyyə sektorunun inkişaf Strategiyası”nın 2024-cü il üzrə icra statusu açıqlanıb.

Mərkəzi Bankın məlumatına görə, Strategiyada maliyyə sektoru üzrə müəyyənləşdirilən strateji fəaliyyətlərin icrasına dair hesabat hazırlanaraq AMB-nin rəsmi veb-səhifəsində yerləşdirilib.

Hesabatda 31 dekabr 2024-cü il tarixinə plan üzrə icra olunan fəaliyyət istiqamətlərindən əlavə, həm də gecikən fəaliyyət istiqamətləri üzrə məlumatlar öz əksini tapıb. Hesabatda, həmçinin, hər sektor üzrə əsas nailiyyətlər, növbəti addımlar və ehtimal olunan kəmiyyət xarakterli potensialın 2024-cü ilin sonuna olan göstəriciləri üzrə təhlillər də qeyd olunub.

“2024-2026-cı illərdə maliyyə sektorunun inkişaf Strategiyası”nın 2024-cü il üzrə icra statusu ilə bağlı hesabatla bu linkdən tanış olmaq olar:

https://uploads.cbar.az/assets/f94012e342aab6662a06c1c91.pdf