Bu ilin yanvar-mart aylarında ölkə üzrə əhaliyə göstərilən ödənişli xidmətlərin dəyəri 2024-cü ilin müvafiq dövrü ilə müqayisədə real ifadədə 9,4 faiz artaraq 3 334,7 milyon manat olub.

Dövlət Statistika Komitəsinin hesabatına əsasən, hüquqi şəxslər tərəfindən əhaliyə 2530,4 milyon manatlıq xidmət göstərilib ki, bu da xidmətlərin ümumi dəyərinin 75,9 faizini təşkil edib.

Rüb ərzində hər bir ölkə sakini orta hesabla 326 manatlıq və ya 2024-cü ilin yanvar-mart ayları ilə müqayisədə nominal ifadədə 48,4 manat çox müxtəlif ödənişli xidmətlərdən istifadə edib.