Bu ilin mart ayı ərzində Naxçıvan Muxtar Respublikası Dövlət Energetika Xidmətinin istismar sahəsində olan elektrik stansiyalarında 29,5 milyon kilovat-saat elektrik enerjisi istehsal edilib.

Muxtar respublikanın Dövlət Energetika Xidmətinin məlumatına görə, ötən ilin müvafiq dövrü ilə müqayisədə ümumi elektrik enerjisi istehsalında istilik elektrik stansiyalarının payı 14,5 faiz azalıb, su elektrik stansiyalarının payı 8,9 faiz, günəş elektrik stansiyalarının payı 5,5 faiz artıb.

Elektrik enerji istehsalı üzrə göstəricilər:

- İstilik elektrik stansiyaları - 13,92 milyon kilovat-saatı (47,2 faiz),

- Su elektrik stansiyaları - 9,34 milyon kilovat-saatı (31,6 faiz),

- günəş və külək-günəş hibrid elektrik stansiyalarında - 6,25 milyon kilovat-saatı (21,2 faiz).

Alternativ və bərpaolunan enerji mənbələrində 15,59 milyon kilovat-saat elektrik enerjisi istehsal edilib ki, bu göstərici ümumi enerjinin 52,8 faizini təşkil edir.