Horadiz-Ağbənd dəmir yolu layihəsi çərçivəsində Azərbaycan və Türkiyə mühəndislərinin yüksək peşəkarlığı sayəsində ölkənin ən uzun dəmiryol tunelində qazma işləri tamamlanıb.

“Azərbaycan Dəmir Yolları” QSC-nin məlumatına görə, 1071 metr uzunluğundakı tunel qazma işlərinin ardınca izolyasiya və üzləmə üçün hazır vəziyyətə gətirilib.

Bu dəmir yolu Avrasiya nəqliyyat bağlantısının mühüm komponenti olacaq Zəngəzur dəhlizinin bir hissəsi kimi həm Naxçıvanla birbaşa əlaqəni təmin edəcək, həm də Azərbaycanın beynəlxalq nəqliyyat xəritəsindəki mövqeyini daha da gücləndirəcək.