Rusiya Federasiyasının Tomsk vilayətinin sahibkarları Azərbaycanda işgüzar səfərdədirlər.

Rusiya İxrac Mərkəzinin məlumatına görə, biznes-missiya çərçivəsində azərbaycanlı tərəfdaşlara biodondurma, tibbi cihazlar və bioaktiv qida əlavələri təqdim olunur. Nümayəndə heyətinə üç Tomsk istehsalçısı daxildir.

Səfər çərçivəsində yerli ixtisaslaşmış müəssisələrdə və biznes assosiasiyalarda, həmçinin Rusiya Federasiyasının Azərbaycandakı ticarət nümayəndəliyində və Rusiya İxrac Mərkəzinin Bakıdakı nümayəndəliyində görüşlər keçirilir. Görüşlər zamanı sahibkarlar ixraca təklif olunan məhsulları təqdim edir, Azərbaycan bazarının xüsusiyyətlərini öyrənirlər.