İndiyədək Neftçala Sənaye Məhəlləsinin rezidentləri tərəfindən 46,12 milyon manat investisiya yatırılıb, 290-a yaxın daimi iş yeri yaradılıb.

İqtisadi Zonaların İnkişafı Agentliyinin (İZİA) məlumatına görə, növbəti mərhələdə mövcud layihələr üzrə əlavə olaraq 14,4 milyon manat investisiyanın yatırılması və 200-dən çox iş yerinin yaradılması nəzərdə tutulur.

Sənaye Məhəlləsində indiyədək dəyəri 180 milyon manatdan çox məhsul istehsal edilib ki, bunun da 1 milyon manatlıq hissəsi ixracın payına düşür. Təkcə cari ilin yanvar-sentyabr aylarında Sənaye Məhəlləsində 30 milyon manatlıq məhsul satışı həyata keçirilib.