Bu ilin yanvar-sentyabr ayları ərzində ölkəyə 88,6 milyon ABŞ dolları dəyərində 2245 ədəd yalnız elektrik mühərriklə hərəkətə gətirilən nəqliyyat vasitələri (elektromobil) idxal edilib.

Dövlət Gömrük Komitəsinin hesabatına əsasən, bu, 2023-cü ilin eyni dövrünün göstəricilərini dəyər ifadəsində 3,2 faiz və ya 2,7 milyon dollar, say baxımından isə 6 faiz və ya 127 ədəd üstələyir.

Ümumilikdə cari ilin ilk 9 ayında ölkəyə 1,26 milyard dollar dəyərində 66,2 mindən çox nəqliyyat vasitəsi idxal edilib. Hesabat dövründə avtomobil idxalının strukturunda elektromobillərin payı 3,38 faiz təşkil edib ki, bu da bir il öncəki göstəricidən 0,48 faiz bəndi çoxdur.