22 Noyabr 2026
SOSİAL-İQTİSADİ ONLAYN QƏZET
Azərbaycan və Çin arasında metrologiya sahəsində əməkdaşlığa dair Memorandum imzalanacaq

Azərbaycan və Çin arasında metrologiya sahəsində əməkdaşlığa dair Memorandum imzalanacaq

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Metrologiya İnstitutu (AzMİ) ilə Çin Milli Metrologiya İnstitutu (NIM) arasında əlaqələrin qurulması məqsədilə Anlaşma Memorandumu imzalanacaq.

Azərbaycan Metrologiya İnstitutunun məlumatına görə, sənədin hazırlanmasına dair razılıq AzMİ nümayəndələrinin Çinə işgüzar səfəri çərçivəsində NIM-in rəhbər heyəti ilə keçirilən ikitərəfli görüşdə əldə olunub.

Görüşdə qurumlar arasında metrologiyanın müxtəlif sahələri üzrə əməkdaşlıq əlaqələrinin qurulması, birgə elmi-tədqiqat işlərinin və elmi-texniki layihələrin həyata keçirilməsi, metroloji izlənilmənin təmin edilməsi, ilkin etalonların tutuşdurulması, standart nümunələrin hazırlanması, metroloji xidmətlərin elektronlaşdırılması, həmçinin mütəxəssislərin qarşılıqlı təcrübə mübadiləsi proqramlarına cəlb edilməsi istiqamətində müzakirələr aparılıb.

Səfər çərçivəsində AzMİ-nin əməkdaşları NIM tərəfindən təşkil olunan Avrasiya Ölkələrinin Milli Metrologiya Qurumlarının Əməkdaşlığı Təşkilatının (COOMET) “Akustika, ultrasəs, vibrasiya üzrə Texniki Komitəsi”nin 18-ci iclasında iştirak ediblər.

İclasda COOMET-in 2023-cü il üçün illik hesabatı, NIM-in akustika, ultrasəs və vibrasıya laboratoriyalarına dair məlumatlar, eləcə də görüş iştirakçılarının təqdimatları nümayiş etdirilib. Daha sonra Texniki Komitə qərarlarının icrası və mövcud vəziyyət, həmçinin üzv ölkələrin sahə üzrə təcrübələrinin artırılması məqsədilə praktiki təlimlərin təşkili haqqında müzakirələr aparılıb.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?