Azərbaycan Almaniyanın Hamburq şəhərində keçiriləcək "Wind Energy Hamburg" tədbirində təmsil olunacaq.

Energetika Nazirliyinin məlumatına görə, sentyabrın 24-də keçiriləcək tədbirdə Avropa ölkələrindən olan rəsmilər, “WindEurope”, “Nordex Group”, “Landwind Group”, “Enterprise Singapore” və külək enerjisi sahəsində fəaliyyət göstərən digər şirkətlərin nümayəndələrinin iştirakı gözlənilir. Energetika naziri Pərviz Şahbazovun tədbirin açılış sessiyasında “İnvestisiyalar və qlobal əməkdaşlıq” mövzusunda və “Enerji keçidi” adlı sessiyada “Azərbaycanın yaşıl enerji ixracı strategiyası” mövzusunda çıxışları nəzərdə tutulur.