Sentyabrın 24-dən 26-dək Rusiya Federasiyasının ərzaq ixracatçılarının Azərbaycana biznes-missiyası təşkil olunacaq.

Rusiyanın Azərbaycandakı Ticarət Nümayəndəliyinin məlumatına görə, nümayəndə heyətinin tərkibinə sahə birliklərinin, iri kənd təsərrüfatı məhsulları və ərzaq istehsalçılarının, eləcə də pərakəndə satış şəbəkələrinin nümayəndələri daxil olacaq.

Rusiya şirkətlərinin işgüzar səfəri kənd təsərrüfatı sahəsində ikitərəfli əməkdaşlığı inkişaf etdirmək məqsədi daşıyır. Biznes missiya çərçivəsində plenar iclas, işgüzar görüşlər və Azərbaycanda qida idxalçıları və distribüterləri ilə B2B görüşlər keçiriləcək.