Azərbaycan Körfəz ölkələri ilə bərpaolunan enerji, kənd təsərrüfatı, qida sənayesi və turizm sahələrində əlaqələrin genişləndirilməsində maraqlıdır.

Bu barədə Azərbaycanın Səudiyyə Ərəbistanındakı səfiri Şahin Abdullayev “Şərq Əl-Avsat” nəşrinə məlumat verib.

O, Azərbaycanın region ölkələri, xüsusilə də Səudiyyə Ərəbistanı ilə yaxşı münasibətlərə malik olduğunu vurğulayıb. Uğurlu tərəfdaşlığın nümunələrindən biri “ACWA Power” şirkəti tərəfindən Azərbaycanda həyata keçirilən layihələrdir.

Azərbaycanda nəqliyyat infrastrukturunun inkişafı istiqamətində tədbirlərdən danışan səfir vurğulayıb ki, gələcəkdə bu sahə Fars körfəzi regionu ilə əməkdaşlığın mühüm aspektlərindən birinə çevrilə bilər.