Bu ilin yanvar-iyul aylarında Azərbaycanda etil spirti istehsalı ötən ilin müvafiq dövrü ilə müqayisədə 23,9 faiz artıb.

Dövlət Statistika Komitəsinin məlumatına görə, bu müddətdə ölkədə 39,9 min dekalitr (dkl) etil spirti istehsal edilib.

Azərbaycanda 17,2 min dkl etil spirti ehtiyatı toplanılıb.

Ölkədə metanol (metil) spirti istehsalı da 13,2 faiz artıb. Cari ilin yanvar-iyul aylarında 296,6 min ton metanol spirti istehsal edilib. Hazırda Azərbaycanın 19,2 min ton metanol spirti ehtiyatı var.

Dövlət Gömrük Komitəsinin məlumatına görə, ötən ilin ilk 7 ayında Azərbaycan 252 272.55 min ton metanol spirti ixrac etdiyi halda, bu ilin müvafiq dövründə bu göstərici 273 521.35 tona yüksəlib.