İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Metrologiya İnstitutu faəliyyətini beynəlxalq standartlara uyğunlaşdırılması üçün yeni sertifikatlar əldə edib.

İnstitutun məlumatına görə, AzMİ-yə AZS ISO 9001:2020 “Keyfiyyəti idarəetmə sistemləri. Tələblər”, AZS ISO 45001:2021 “Peşə sağlamlığı və təhlükəsizliyini idarəetmə sistemləri. Tələblər və tətbiq üzrə rəhbərlik” və AZS ISO 14001:2021 “Ətraf mühiti idarəetmə sistemləri. Tələblər və istifadə üzrə rəhbəredici göstərişlər” üzrə uyğunluq sertifikatları təqdim olunub.

Sözügedən sertifikatlar Azərbaycan Standartlaşdırma İnstitutunun İdarəetmə sistemlərinin sertifikatlaşdırılması orqanı tərəfindən həyata keçirilən audit və təlimlər nəticəsində verilib.

Beynəlxalq standartlar ölçmə vasitələrinin yoxlanılması, kalibrlənməsi və sınaq işlərinin aparılması xidmətlərində tətbiq olunacaq.