İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi (4SİM) “Sənaye 4.0 Hazırlıq Proqramı” (S4HP) çərçivəsində tərəfdaş şirkətlərlə əməkdaşlıq üçün müraciət qəbuluna start verir.

Mərkəzin məlumatına görə, S4HP-nin məqsədi şirkətlərin "Sənaye 4.0" hazırlığına dəstək etmək və iqtisadi artıma nail olmaqdır.

Tərəfdaş şirkətlər beynəlxalq ekspertlərin iştirakı ilə bacarıqların artırılması sessiyalarına cəlb olunacaqlar. S4HP çərçivəsində yerli şirkətlər proqram tərəfdaşı kimi təsdiqlənmək imkanı əldə edəcəklər.

4SİM bir neçə proqram tərəfdaşı ilə birlikdə S4HP-yə seçilmiş şirkətlərdə pilot mərhələni həyata keçirəcək.

Pilot mərhələ üçün seçilən proqram tərəfdaşları 4SİM tərəfindən qiymətləndiriləcək və təsdiqlənəcək.