Azərbaycan bu ilin yanvar-iyul aylarında xarici ölkələrə kimya sənayesi məhsullarının ixracını artırıb.

Dövlət Gömrük Komitəsinin statistik məlumatlarına görə, hesabat müddətində ölkədən 149,8 milyon ABŞ dolları dəyərində 615,8 min ton kimya sənayesi məhsulları ixrac edilib. İllik ifadədə ixracın dəyəri 13,4 faiz, həcmi isə 43,6 faiz artıb.

Hesabat dövründə, kimya sənaye məhsullarının ixracı qeyri-neft sektoru üzrə ixracın 7.99 faizini təşkil edib ki, bu, ötən ilin eyni dövrü ilə müqayisədə 1,41 faiz bəndi çoxdur.