Bu ilin ilk 6 ayında Azərbaycana səfər edən vətəndaşların sayına görə Rusiya, Türkiyə, Hindistan, İran və Gürcüstan ilk beşlikdə qərarlaşıb.

Dövlət Turizm Agentliyindən “Azərbaycan iqtisadiyyatı” Teleqram kanalına verilən məlumata görə, qeyd edilən müddətdə Rusiyadan Azərbaycana 359 938, Türkiyədən 213 617, Hindistandan 118 985, İrandan 106 833, Gürcüstandan 50915 nəfər səfər edib.

Ümumilikdə bu ilin yanvar-iyun aylarında Azərbaycana 1 231 104 nəfər xarici vətəndaş gəlib. Bu say ötən ilin müvafiq dövrü ilə müqayisədə 34 faiz çox olub.