2024-cü ilin yanvar-iyun aylarında Azərbaycanda 2,4 milyon manatlıq qida məhsulları istehsal olunub ki, bu, ötən ilin müvafiq dövrü ilə müqayisədə 4,6 faiz artım deməkdir.

Dövlət Statistika Komitəsinin məlumatına görə, əvvəlki ilin müvafiq dövrü ilə müqayisədə tütün məmulatlarının istehsalı 18 faiz artaraq 344,4 milyon manata, içki istehsalı isə 14,9 faiz artaraq 380,4 milyon manata çatıb.

Bu sahələrin əsas məhsullarından tütün istehsalı 6,8 dəfə, viski, brendi istehsalı 2,6 dəfə, duru bitki yağlarının istehsalı 22,6 faiz, alkoqolsuz içkilərin istehsalı isə 12,7 faiz artıb.