15 İyul 2024

VERGİLƏR

SOSİAL-İQTİSADİ ONLAYN QƏZET

Bakıda İnnovasiya və Texnologiya Festivalı keçiriləcək

İyulun 23-də Bakıda "iFest" İnnovasiya və Texnologiya Festivalı öz işinə başlayacaq. "Yaşıl texnologiya - yaşıl dünya naminə" şüarı altında təşkil olunan festivalda, startaplarla yanaşı, investorların da iştirakı gözlənilir.

Bu barədə keçirilən mətbuat konfransında Kiçik və Orta Biznes Subyektləri və Klublarının Assosiasiyasının (KOBSKA) sədri Nigar Ələsgərova məlumat verib. Onun sözlərinə görə, festivalın əsas məqsədi texnologiya şirkətlərinin tanıtımını etmək, startapların inkişafına dəstək olmaq, onların maliyyə imkanlarına çıxışını həyata keçirməkdir.

"Festival müddətində müxtəlif tədbirlər - startapların təqdimatları (Pitching), investorlarla görüşlər, Startap Forumunun təqdimatı, texnologiya şirkətlərinin və startapların sərgisi, həmçinin texnoloji şou və konsert proqramları keçiriləcək. Tədbirdə texnologiya sahəsində fəaliyyət göstərən şirkətlər, həmçinin MVP mərhələsinə çatmış startaplar öz stendləri ilə birgə təmsil olunacaqlar. Bununla yanaşı, yerli və xarici vençur fondları və mələk investorları da festivalda öz yerini alacaq". O əlavə edib ki, Startap Forumuna Rusiya, Qazaxıstan, Özbəkistan və Türkiyədən olan investorların qatılacağı gözlənilir.

KOBSKA-nın icraçı direktoru Əziz Məmmədov startapların fəaliyyət istiqamətlərinə toxunaraq bildirib ki, hazırda startapçılar daha çox fintex sektoruna maraq göstərirlər. İkinci yerdə aqro və təhsil sektorunda yaradılan startaplar yer alır.

VergiBankdan xarici valyuta alan vergi ödəyicisi üçün məzənnə fərqi xərc kimi nəzərə alınırmı? VergiTorpaqların barteri zamanı tərəflərin ödəyəcəyi vergi məbləğinin hesablanması VergiYanlış ödənilmiş məcburi dövlət sosial sığorta məbləğinin geri qaytarılması VergiTəsisçiyə olan borc məbləğlərinin qaytarılması qaydası VergiMal mübadiləsi zamanı vergitutma VergiMüharibə veteranlarının vergi güzəşti hansı tarixdən hesablanır? VergiQeyri-kommersiya təşkilatlarının qeydiyyatı necə aparılır? VergiƏDV-nin bir hissəsinin geri qaytarılması hansı mallara aiddir? VergiNəqliyyat vasitəsini icarəyə götürən müəssisənin hansı vergi öhdəliyi yaranır? VergiVergi ödəyicisinin fəaliyyətinin aktivləşməsi hansı öhdəliklər yaradır?