Azərbaycanda özəl sektor ölkə iqtisadiyyatının lokomotivinə çevrilib, ÜDM-də özəl sektorun payı əhəmiyyətli dərəcədə artıb.

“vergiler.az” xəbər verir ki, bunu iqtisadiyyat nazirinin müavini Sahib Məmmədov “5-ci yerli sahibkarların tanıtım sərgisi”ndə çıxış edərkən deyib.

Onun sözlərinə görə, cari ilin ilk 5 ayı ərzində ÜDM-in həcmi 2023-cü ilin müvafiq dövrünə nisbətən 4,2 faiz artıb. Bu dövrdə qeyri-neft/qaz sektorunda artım 7%-dən çox olub. Qeyri neft-qaz sənayesi 7%, kənd təsərrüfatı 3,1% artıb, ÜDM-də özəl sektorun payı 80%-dən çoxdur: “Bu gün bizneslər kifayət qədər rəqabətli və çevik bir mühitdə fəaliyyət göstərir. Mövcud çağırışlara adekvat reaksiya vermək və inkişaf etmək üçün yeniliklərə açıq olmaq və trendlərə uyğunlaşmaq çox vacibdir. Bu baxımdan dövlətimiz tərəfindən sahibkarlara daim dəstək göstərilir və bu dəstəyin həcmi və məzmunu zamanın reallıqlarına uyğun olaraq mütəmadi qaydada təkmilləşdirilir”.