“Azərbaycan Slovakiyanın xarici ticarət siyasətinin yeni vektoruna çevrilib”.

Bu sözləri “Azərbaycan iqtisadiyyatı” Teleqram kanalına slovakiyalı ekspert Cozef Hrabina deyib.

O qeyd edib ki, Slovakiya xarici siyasətində yeni istiqamətlər axtarışındadır. Slovakiyanın iqtisadi dayanıqlığını təmin etmək üçün beynəlxalq ticarət tərəfdaşlarının şaxələndirilməsi zəruridir.

Bu kontekstdə Slovakiyanın Baş naziri Robert Fitsonun Azərbaycana səfərinin əhəmiyyətini vurğulayan ekspert bunun kifayət qədər səmərəli olduğunu bildirib: “Biz ticarət əlaqələrində böyük irəliləyiş gözləyirik, çünki Azərbaycan bizim inkişaf agentliklərimiz və biznes assosiasiyalarımızın diqqət mərkəzindədir. Gələn il biznes missiyalar daha çox olmalıdır”.

Tamilla MƏMMƏDOVA