Milli Məclisin plenar iclasında "Dövlət rüsumu haqqında" Qanuna dəyişiklik edilməsinə dair layihə müzakirəyə çıxarılıb. 

Qanun layihəsində Azərbaycanda fəaliyyət göstərən xarici ölkələrin səfirliklərinə və konsulluqlarına vizanın rəsmiləşdirilməsi üçün notanın verilməsinə görə dövlət rüsumunun ləğv edilməsi təklif olunur. Layihə ikinci oxunuşda səsverməyə çıxarılaraq qəbul edilib.

Xatırladaq ki, indiyədək xarici ölkələrin səfirliklərinə və konsulluqlarına vizanın rəsmiləşdirilməsi üçün notanın verilməsinə görə dövlət rüsumunun məbləği 4 manat təşkil edirdi.