Bu ilin yanvar ayında Azərbaycanın Tunislə ticarət dövriyyəsinin ümumi həcmi 129,7 dəfə və ya 78,2 milyon ABŞ dolları artaraq 78,8 milyon dolları üstələyib.

"Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk ayında Azərbaycandan Tunisə 77,5 milyon dollar dəyərində məhsul ixrac edilib. 2023-cü ilin yanvar ayında bu ölkə ilə ixrac əməliyyatları aparılmayıb.

Tunisdən Azərbaycana idxal edilən məhsulların dəyəri isə 2,1 dəfə və ya 705 min dollar artaraq 1,3 milyon dollar təşkil edib.

2024-cü ilin yanvar ayının nəticələrinə görə, ölkənin ümumi ticarət dövriyyəsində Tunislə ticarətin payı 2,64 faiz təşkil edib ki, bu da bir il öncəki eyni göstəricidən 2,63 faiz bəndi çoxdur.