Fevralın 28-də Stavropol diyarında XII Rusiya-Azərbaycan regionlararası Forumu keçiriləcək.

"Azərbaycan iqtisadiyyatı" Teleqram kanalı Rusiya Federasiyasının İqtisadi İnkişaf Nazirliyinə istinadən xəbər verir ki, Forum Rusiya və Azərbaycanın işgüzar və ekspert dairələrinin nümayəndələrini birləşdirəcək iqtisadi sahədə ən böyük ikitərəfli ictimai tədbirlərdən biri olacaq.

Forumun proqramına plenar sessiya və dörd tematik panel sessiyası daxildir. Tədbirdə Rusiya və Azərbaycan arasında sənaye, nəqliyyat və logistika, ekologiya və kənd təsərrüfatı sahələrində ikitərəfli əməkdaşlığın genişləndirilməsi məsələləri müzakirə olunacaq.

Tədbir çərçivəsində biznes və hökumət nümayəndələri üçün işgüzar sessiyanın keçirilməsi də planlaşdırılır.