2023-cü il ərzində Azərbaycandan İtaliyaya 7,07 milyard ABŞ dolları dəyərində 11,1 milyon tondan çox bitumlu süxurlardan alınan xam neft və xam neft məhsulları ixrac olunub.

"Azərbaycan iqtisadiyyatı" Teleqram kanalının Dövlət Gömrük Komitəsinin hesabatı əsasında apardığı hesablamalara görə, bu, 2022-ci il ilin göstəricilərini dəyər ifadəsində 6,6 faiz və ya 436,59 milyon dollar, həcm baxımından isə 24,9 faiz və ya 2,2 milyon ton üstələyir.

Qeyd edək ki, ümumilikdə ötən il ərzində ölkədən 16,24 milyard dollar dəyərində 26 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında İtaliya birinci yerdə qərarlaşıb və ixrac həcminin 42,7 faizi məhz bu ölkənin payına düşüb.