2023-cü il ərzində Azərbaycanın Banqladeşlə ticarət dövriyyəsinin ümumi həcmi 2022-ci ilə nisbətdə 33,9 faiz və ya 6,5 milyon ABŞ dolları artaraq 25,8 milyon dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, ötən il Azərbaycandan Banqladeşə 1,9 milyon dollar dəyərində məhsul ixrac edilib ki, bu da 2022-ci ilin göstəricisindən 5,4 faiz və ya 100,4 min dollar çoxdur.

Banqladeşdən Azərbaycana idxal edilən məhsulların dəyəri isə 37 faiz və ya 6,4 milyon dollar artaraq 23,9 milyon dollar təşkil edib.

2023-cü ilin nəticələrinə görə, ölkənin ümumi ticarət dövriyyəsində Banqladeşlə ticarətin payı 0,05 faiz təşkil edib ki, bu da bir il öncəki eyni göstəricini 0,02 faiz bəndi üstələyir.