2023-cü il ərzində ölkədən 33,8 milyon ABŞ dolları dəyərində 26 min tondan çox tərəvəz və meyvələrin emal məhsulları ixrac edilib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, 2022-ci ilin göstəricisi ilə müqayisədə ixracın dəyəri 36,9 faiz və ya 9,1 milyon dollar, həcmi isə 32,5 faiz və ya 6,39 min ton artıb.

Ötən ilin noyabr ayına nisbətdə isə dekabrda ixrac dəyəri 15,9 faiz artaraq 4,9 milyon dollar, həcmi isə 11,8 faiz artaraq 3,3 min ton təşkil edib.

İl ərzində bu kateqoriyadan olan məhsulların ümumi ixracda xüsusi çəkisi 0,1 faizə, qeyri-neft məhsullarının ixracında çəkisi isə 1,01 faizə bərabər olub.